Kryeministri Edi Rama pasditen e sotme ka zhvilluar një takimin me strukturat socialiste të Tiranës. Në këtë takim marrin pjesë deputetët e kryeqytetit dhe ministrat e kabinetit Rama 4.
Takimi po zhvillohet në një prej hoteleve të qendrës së Tiranës, ndërsa drejtimi i fushatës i është besuar zv.kryeministres Belinda Balluku. Partia Socialiste vijon organizimin e strukturave në mbështetje të kandidates së saj, Ogerta Manastirliu.
Presidenti Bajram Begaj dekretoi më 1 tetor datën 9 nëntor për zhvillimin e zgjedhjeve të pjesshme në 6 bashki, përfshirë Tiranën, pas vendimit të Gjykatës Kushtetuese që kishte pezulluar fillimisht procesin zgjedhor. Bashkitë ku do të zhvillohen zgjedhjet janë: Tiranë, Vlorë, Berat, Mat, Cërrik dhe Tepelenë.
Arsyeja e zgjedhjeve të pjesshme ndryshon sipas bashkisë:
Në Berat, Mat dhe Tepelenë kryetarët dhanë dorëheqjen për t’u bërë deputetë.
Në Cërrik, kryetari i bashkisë Andis Hasalla u emërua Ministër i Bujqësisë.Në Vlorë, kryetari Ermal Dredha dha dorëheqjen pas kritikeve ndaj qeverisë.
Në Tiranë, kryetari Erion Veliaj u shkarkua nga Këshilli Bashkiak me urdhër të kryeministrit Rama.
