Ilir Meta do të garojë në Qarkun e Tiranës ku do të jetë në listë të hapur.
Kryesia e Partisë së Lirisë miratoi vendimin që presidenti, Ilir Meta, të garojë si kandidat në listë të hapur nën siglën ekoalicionit “Partia Demokratike-Aleanca për Shqipërinë Madhështore”
“Kryesia e Partisë së Lirisë miratoi sonte vendimin e Presidentit të Partisë së Lirisë, Z. Ilir Meta për të qenë kandidat për deputet në listën e hapur, Qarku Tiranë, të koalicionit “Partia Demokratike-Aleanca për Shqipërinë Madhështore”, në zgjedhjet për Kuvend të datës 11 Maj 2025”, thuhet në deklaratën e PL.
Ndërkohë që më herët kreu i PD, Sali Berisha, pati deklaruar se do t’i jepte Partisë së Lirisë dy vende në listat e mbyllura, ku mendohej se në njërin prej tyre do të ishte Ilir Meta.
Por mesa duket Ilir Meta ka vendosur të garojë në lista të hapura, ashtu siç ishte shprehur në fillim, kur koalicionet nuk ishin bërë ende zyrtare.
