Presidenti ukrainas Volodymyr Zelensky deklaroi se Ukraina është e gatshme të mbështesë Rumaninë në çdo mënyrë të nevojshme, pas zhvillimeve të fundit që kanë rritur shqetësimet për sigurinë në rajon.
Në një reagim në rrjetet sociale, Zelensky theksoi se presioni ndaj Rusisë duhet të rritet, në mënyrë që lufta të mos zvarritet dhe të mos zgjerohet më tej.
Presidenti ukrainas u uroi shërim të shpejtë personave të plagosur, ndërsa shtoi se Ukraina pret masa të reja dhe të forta sanksionuese nga Bashkimi Evropian.
Sipas tij, Rusia duhet të ndiejë se sulmet e saj sjellin kosto të rënda edhe për vetë Moskën.
