Prej disa ditësh, Arbana Osmani ka ngacmuar ndjekësit me një seri postimesh enigmatike: fillimisht, një pyetje për zgjedhjen e veshjes; më pas, një video në një skenë ku thotë: “Do shihemi?”.
Arbana do të rikthehet në ekran, por si e ftuar speciale në finalen e X Factor Albania. Dhe jo vetëm kaq: ajo do të ndajë skenën për here të parë me Alketa Vejsiun. Finalja e X Factor Albania, që transmetohet këtë të premte në Klan TV në orën 21:00.
Dy nga moderatoret më të dashura dhe me ndikim në ekranin shqiptar, do të ndajnë të njëjtën skenë në një event të madh televiziv. Pas intervistës në “Mirëmbrëma yje”, ku Alketa dhe Arbana ndanë një bisedë të ngrohtë dhe nostalgjike, tashmë është koha që dy ikonat e ekranit të ndajnë reflektorët në një moment që padyshim do jetë një nga më të veçantët e këtij sezoni televiziv.
