Detaje të reja kanë dalë në dritë mbi zjarrin që shkrumboi fshatin Kullolas në Gramsh, ku humbi jetën edhe 80-vjeçari që dyshohet se e shkaktoi.
Sipas burimeve, ngjarja nisi pas një konflikti mes të moshuarit dhe fqinjit të tij. Nga inati, 80-vjeçari i vuri zjarrin parcelës së komshiut, por flakët u përhapën me shpejtësi, duke marrë përmasa katastrofike dhe duke përfshirë gjithë zonën.
Në vendngjarje ndodhen forca zjarrfikëse, ekipe të emergjencave civile dhe të Forcave të Armatosura, të cilat prej orësh po luftojnë për të frenuar zjarrin që po i afrohet banesave.
Ministria e Mbrojtjes dhe autoritetet lokale kanë bërë thirrje të përsëritura për evakuimin e banorëve, me qëllim shmangien e një tragjedie edhe më të madhe.
