Futbollistët e Premier League po kërkojnë mbrojtje nga ish-luftëtarë të MMA-së për të siguruar shtëpitë e tyre pas një sere vjedhjesh në “Triangulin e Artë” të Cheshire. Një numër futbollistësh dhe personazhesh të njohur që jetojnë në Alderley Edge, Wilmslow dhe Prestbury janë bërë objektiv i vjedhjeve dhe zjarreve, duke e detyruar ata të kërkojnë një mbrojtje më të madhe. Ky rajon i pasur në veri-perëndim të Anglisë ka qenë për shumë vite një destinacion për futbollistët e njohur nga disa nga klubet më të mëdha të ligës. Lojtarë nga Manchester United, Manchester City, Liverpool dhe Everton e kanë bërë Cheshire shtëpi gjatë kohës që ishin të kontraktuar me këto klube. Megjithatë, pas një serie krimesh në këtë zonë, reputacioni i saj si një vend i sigurt për të pasurit dhe të famshmit po humbet.
Në dhjetor 2023, lojtari i huazuar nga Everton, Grealish, u bë viktimë e një vjedhjeje prej 1 milion poundësh, ku kriminelët i vodhën atij bizhuteri të çmuara. Ky incident ndodhi vetëm disa muaj pas fitimit të tre çmimeve me City. Grealish u ndje “totalisht i shkatërruar” pasi postoi në rrjetet sociale: “Kjo ka qenë një përvojë traumatike për të gjithë ne, dhe jam i lumtur që askush nuk u lëndua. Kam pasur shumë përvoja dhe arritje të mrekullueshme gjatë 12 muajve të fundit, por të them të drejten, viti më i mirë i jetës sime në futboll tani nuk duket si diçka për të festuar. Ata që kryejnë këto krime të tmerrshme nuk kanë idenë e dëmit që shkaktojnë në jetën e njerëzve.”
Gjithashtu, një tjetër ish-yll i City-t, Raheem Sterling, ka qenë po ashtu objektiv i vjedhjeve. Ngjarjet e këtilla kanë ngritur shqetësime midis futbollistëve, duke i detyruar ata të kërkojnë zgjidhje nga profesionistë të sigurisë për të mbrojtur pronat e tyre dhe për të rikthyer ndjenjën e sigurisë në jetën e tyre të përditshme. Tensioni dhe frika për sigurinë personale po i pengon ata të shijojnë sukseset e tyre në fushë.
