Familjarët e Martin Canit, përfshirë prindërit dhe të afërm, kanë mbërritur në Gjykatën e Tiranës për të pritur seancën paraprake të çështjes.
Gjatë kësaj seance, pritet të merret vendimi për kalimin e dosjes për gjykim, ndërsa i akuzuari, 14-vjeçari Marjo Perlleshaj, do të paraqitet në gjykatë.
Ai dyshohet për vrasjen e bashkëmoshatarit të tij, Martin Canit, me thikë. Seanca mbahet me dyer të mbyllura.
Të kapur dorë për dorë, Engjëll dhe Florina Cani shoqërohen nga të afërm të tjerë, si dhe nga shoku i djalit të tyre, i cili mbeti i plagosur ditën e ngjarjes, Luis Meçe.
