Historia tragjike e Aurora Tilës, një 13-vjeçare shqiptare që humbi jetën në vitin 2024, ka tronditur Italinë dhe të gjithë shqiptarët. Ajo u hodh nga ballkoni nga ish-i dashuri, një djalë 15-vjeçar, pas një periudhe të gjatë përndjekjeje dhe dhune psikologjike. Ky rast vjen si një kujtesë e dhimbshme e normalizimit të dhunës dhe femicidit në shoqëri.
Morena Corbellini, nëna e Aurorës, ka ngritur zërin për të kërkuar veprime më të forta nga shoqëria dhe institucionet ligjore për të parandaluar dhunën ndaj grave. Pas një gjyqi të shpejtuar, autori u dënua me 17 vjet burg për vrasje të rënduar dhe përndjekje. Ky dënim, sipas Corbellini, është i pamjaftueshëm, veçanërisht duke marrë parasysh se ligjet italiane janë ende të buta për të miturit, duke i lejuar ata të ndjehen të paprekshëm.
Morena ka krijuar shoqatën “La Luce di Aurora” për të promovuar ndërgjegjësimin dhe për të luftuar dhunën ndaj femrave, me fokus të veçantë në parandalimin e këtyre rasteve në shkolla dhe komunitete. Ajo thekson se dhuna ndaj grave është bërë një fenomen gjithnjë e më i zakonshëm, jo vetëm midis grave të moshës së mesme, por gjithashtu edhe mes të rinjve, të cilët përdorin dhunën si mjet për të arritur qëllimet e tyre.
Në një intervistë për La Stampa, Morena shprehet se dënimet e shkurtra nuk do të ndryshojnë mentalitetin e atyre që e normalizojnë dhunën. Ajo paralajmëron se, nëse e rinjta normalizojnë vrasjen, ka shumë të ngjarë që të përsërisin krime të tilla. Ajo kërkon veprime të menjëhershme dhe të fuqishme për të parandaluar që kasaphanë të tillë të përsëritet. Është një thirrje për ndihmë, për të drejtat e grave dhe për të ndihmuar në ruajtjen e jetëve që janë në rrezik.
