Gjykata e Shkodrës ka caktuar masën “arrest me burg” për dy vëllezërit Arjan dhe Klisman Hasaj, autorë të vrasjes së Ramazan Mataj në fshatin Dragoç të Shkodrës.
Në seancën gjyqsore nuk kanë qenë të pranishëm asnjë prej familjarëve të pandehurve pasi ata tashmë po qëndrojnë të ngujuar në banesën e tyre nga frika e gjakmarrjes.
Prokuroria ka treguar dhe provat e marra nga gjurmët balistike të armës së groposur pranë familjes Hasaj duke treguar që janë në përputhje me ato të gëzhojave të gjetura në vendin e ngjarjes.
Avokatët mbrojtës kanë kërkuar që për Klisman Hasaj, gjykata të vendosë masën “arrest shtëpie” pasi ai nuk ka qenë i përfshirë në krim. Kjo kërkesë u mohua nga gjyqtarja e çështjes ndërs vendosi për të dy vëllezërit Hasaj masën e sigurisë “arrest me burg”.
Ngjarja e rëndë ka ndodhur në datën 5 janar në fshatin Dragoç të Shkodrës. Ramazan Mataj u ekzekutua me disa plumba teksa qëndronte brenda makinës së tij. Arjan Hasaj e ka pranuar krimin dhe në polici teksa e ka arsyetuar me fakin se viktima kishte një lidhje të gjatë më motrën e tij të vogël, marrëdhënie kjo që kishte sjellë prishjen e dy martesave të saj.
Ndërkohë Klisman Hasaj akuzohet se ka qenë bashkëautor në krim teksa ka ndihmuar vëllain e tij për vrasjen si dhe për të fshehur më pas armën e krimit.
Ramazan Mataj është nxjerrë në pritë nga një profil fallco vajze në Instagram i hapur nga autori Arjan Hasaj, teksa kishin lënë së bashku një takim.
