Në mënyrë surprizuese, jashtë listës fituese deri tani janë Pandeli Majko, Mimi Kodheli, Olta Xhaçka dhe Etilda Gjonaj.
Numërimi i votave preferenciale në Tiranë ka nisur dhe po jep rezultatet e para befasuese. Nga 101 kuti të numëruara nga gjithsej 1282, duket se disa prej figurave më të njohura të politikës do të mbeten jashtë Parlamentit.
Partia Socialiste ka siguruar 19 mandate në total në Tiranë. Nga këto, 12 janë nga lista e mbyllur dhe 7 nga lista e hapur, ku Blendi Gonxhja kryeson me më shumë vota, i ndjekur nga Fatmir Xhafaj dhe Ornaldo Rakipi. Emra të tjerë që pritet të hyjnë në Kuvend janë Erion Braçe, ministri i Brendshëm Ervin Hoxha, Antonela Dedej dhe Anila Denaj.
Në mënyrë surprizuese, jashtë listës fituese deri tani janë Pandeli Majko, Mimi Kodheli, Olta Xhaçka dhe Etilda Gjonaj.
Në kampin opozitar, Partia Demokratike ka rikuperuar një mandat nga Partia Mundësia. Ilir Alimehmeti vazhdon të jetë më i votuari, ndërsa Jorida Tabaku po zhvillon një garë të ngushtë me Lorenca Hoxhën. Ndërkohë, figura si Ilir Meta, Shpëtim Idrizi, Myslym Murrizi dhe Asllan Dogjani ndodhen jashtë Kuvendit.
Për sa i përket partive të vogla, Partia Mundësia do të çojë në Kuvend kreun e saj, Agron Shehajn, ndërsa Erald Kapri mbetet jashtë. Nisma “Shqipëria Bëhet” do të përfaqësohet nga Adriatik Lapaj, që ka marrë më shumë vota se Endri Shabani.
Ndërkohë, Arlind Qori i Lëvizjes Bashkë mbetet jashtë, pasi më shumë vota ka marrë Redi Muçi. Partia Socialdemokrate do të çojë në Kuvend Albana Pëllumbin, e para në listën e saj të mbyllur.
PS 7 mandate nga lista e hapur
Blendi Gonxhja 5186
Fatmir Xhafaj 1975
Ornaldo Rakipi 1176
Erion Braçe 1029
Ervin Hoxha 773
Antonela Dedej 475
Anila Denaj 423
PD 2 mandate nga lista e hapur
Ilir Alimehmeti 1191
Jorida Tabaku 1078
Mundësia 1 mandat nga lista e mbyllur
Agron Shehaj
PSD 1 mandat nga lista e mbyllur
Albana Pëllumbi
Nisma Shqipëria Bëhet 1 mandat nga lista e hapur
Adriatik Lapaj
Lëvizja Bashkë 1 mandat nga lista e mbyllur
Redi Muçi
