Policia e Tiranës ka finalizuar pas 6 muajsh hetime operacionin policor të koduar “Doublefront”.
Një 37-vjeçar është vënë në pranga, ndërsa një 30-vjeçare është shpallur në kërkim.
Sipas policisë, 37-vjeçari (shpërndarës i porosive) dhe 30-vjeçarja (financiere) në subjektin ku punonin vodhën 409 000 euro.
“U ekzekutua masa e sigurisë “Arrest në burg”, e caktuar nga Gjykata e Tiranës, për shtetasin E. Sh., 37 vjeç, si dhe u shpall në kërkim shtetasja A. S., 30 vjeçe”, njofton policia.
Nga hetimet dyshohet se shtetasi E. Sh. dhe shtetasja A. S. (me detyra respektive shpërndarës i porosive dhe financiere në një subjekt që shiste tekstile me metrazhe), në bashkëpunim me njëri-tjetrin, gjatë periudhës 2023-2024, kanë vjedhur nga ky subjekt, nëpërmjet mashtrimit me faturat e shpërndarjeve, rreth 409 000 euro.
Policia po punon për arrestimion e financieres.
