Presidentja e Republikës së Kosovës ka shprehur ngushëllimet e saj për familjen dhe miqtë e gazetarit dhe analistit të njohur, Artur Zheji, i cili ndërroi jetë papritur ditën e djeshme pas një arresti kardiak.
Në një mesazh përkujtimor, Osmani e vlerësoi Zhejin si një figurë të rëndësishme në skenën publike dhe mediatike të vendit, duke e përshkruar atë si një zë të guximshëm dhe një mendimtar të lirë, si dhe si një penë të shquar të gazetarisë shqiptare.
Ajo theksoi kontributin e tij të jashtëzakonshëm në dokumentimin e vuajtjeve dhe shkatërrimeve të shkaktuara nga regjimi serb në Kosovë, duke theksuar rëndësinë e trashëgimisë intelektuale dhe mediatike që ai la pas.
