Presidenti amerikan Donald Trump rikthehet me kritika të forta ndaj Spanjës, duke e quajtur vendin “humbje e sigurt” dhe “shumë armik ndaj NATO-s”, ndërsa shprehu sërish zhgënjimin e tij edhe ndaj kryeministrit britanik Keir Starmer.
Në një intervistë për New York Post, Trump tha se ndërsa disa vende mbështesin aktivisht aleancën, qëndrimi i Spanjës është zhgënjyes. “Kemi shumë fitues, por Spanja është humbje e sigurt, dhe Britania e Madhe ka qenë shumë zhgënjyese,” tha Trump, duke shtuar se Madrid është shumë armik ndaj NATO-s.
Ai akuzoi gjithashtu Spanjën se nuk po përmbush detyrimet e saj për shpenzimet mbrojtëse brenda Aleancës dhe se nuk vepron si një aleat i besueshëm. “Nuk është lojtar në ekip, dhe as ne nuk do të luajmë në ekip me Spanjën,” shtoi presidenti.
Në të njëjtën intervistë, Trump shprehu zhgënjimin e tij ndaj Keir Starmer, për faktin se nuk lejoi SHBA-të të përdornin bazat ushtarake britanike gjatë operacionit amerikan dhe izraelit kundër Iranit.
“Ishte shumë zhgënjyese sjellja e tij lidhur me sulmin tonë të madh ndaj një vendi armik,” tha Trump. “Duhej të na jepte pa pyetje apo hezitime bazat që mund të përdornim.”
Megjithatë, Trump shtoi se marrëdhënia me Starmer është e mirë, por theksoi se ai “në disa raste nuk bën gjërat që duhet të bëjë”.
