Në përgatitje për ndeshjen e parë të Kualifikueseve të Botërorit 2026 kundër Anglisë, tifozët shqiptarë kanë “ndezur” rrugët e Londrës me atmosferë festive. Ata kanë sjellë daulle, këngë dhe valle, duke krijuar një atmosferë tradicionale shqiptare përpara takimit. Gjatë këtij aktiviteti, tifozët anglezë janë bashkuar me shqiptarët dhe disa prej tyre janë futur në valle, duke kërcyer së bashku.
Kombëtarja shqiptare do të ndeshet me Anglinë në një sfidë që do të startojë në orën 20:45, dhe kjo ngjarje ka nxitur një frymë festive që ka përfshirë dhe qytetarët anglezë, duke e bërë një moment të veçantë për të dy kombet.
