Presidenti i Barcelonës, Joan Laporta, u shfaq sot në gjykatë për të dëshmuar në çështjen Negreira, e cila ka reaguar fort në gjithë botën e futbollit. Ky skandal përfshin akuza për korrupsion dhe pagesa të dyshimta ndaj Jose Maria Enriquez Negreira, ish-nënkryetar i Komitetit Teknik të Gjyqtarëve.
Gjatë dëshmisë, Laporta mohoi çdo lidhje me Negreiran dhe rrethin e tij, duke deklaruar: “Nuk e njoh as Negreiran dhe as këdo nga rrethi i tij. Asnjëherë nuk kam pasur marrëdhënie me ta. Ne kemi paguar për raporte, që asnjëherë nuk kanë qenë për të favorizuar Barcelonën. Nuk kemi pasur nevojë për favore.” Ai gjithashtu theksoi se pagesat ishin trashëguar nga administrata e mëparshme dhe se ishin bërë sipas këshillave të drejtuesve sportivë të klubit. “I trashëguam ato pagesa, dhe pyeta drejtuesit sportivë, të cilët na thanë të vazhdonim,” shtoi ai. Laporta njoftoi se raportet e fazës së parë nuk janë ruajtur, pasi çdo pesë vjet asgjësohen, dhe se kostoja e tyre nuk kishte pse të kalonte në kontrollin e bordit.
Ish-trajnerët e Barcelonës, Luis Enrique dhe Ernesto Valverde, gjithashtu dëshmuan përmes një lidhjeje me video, duke mohuar se kishin pasur ndonjë njohuri apo marrëdhënie me Negreiran. “Nuk kemi qenë të vetëdijshëm për raportet e arbitrimit nga Negreira,” u shprehën ata. Dëshmia e tyre, e dukshme në një proces gjyqësor që ka zgjuar interes të madh publik, pritet të ketë ndikim të rëndësishëm në përfundimin e kësaj çështje.
Ky proces gjyqësor ka tronditur jo vetëm Barcelonën, por gjithashtu futbollin spanjoll në tërësi, duke e bërë çështjen Negreira një temë qendrore në debatet sportive në drejtimin e politizimit të futbollit. Opinion publiko është duke e ndjekur me një ngulm të veçantë, ndërsa rezultatet e hetimeve do të përcaktojnë pasojat për klubin dhe individët e përfshirë.
