Një video e arrestimit të Zhimin Qian, 47-vjeçares kineze, e quajtur ndryshe “mbretëresha e kriptomonedhave”, po bën xhiron e mediave pasi ajo u dënua me 11 vjet burg nga një gjykatë britanike. Ajo u shpall fajtore për pastrimin e 5 miliardë dollarëve në Bitcoin dhe për mashtrimin e mbi 100,000 investitorëve në Kinë. Në pamjet e publikuara, Qian shihet e shtrirë në shtrat teksa policia hy në shtëpinë e saj për ta arrestuar, duke insistuar se emri i saj është Zhimin.
Qian kishte arritur të shmangej arrestimit që nga viti 2018 duke jetuar në Britani, ku kishte një stil jetese luksoz. Ajo ishte e angazhuar në një skemë Ponzi në Kinë, duke e quajtur veten “Perëndesha e Pasurisë.” Gjatë kohës së saj në Britani, ajo planifikoi blerjen e pronave shumë të shtrenjta dhe kishte ambicie të takonte personalitete të njohura.
Pas një hetimi të policisë kineze në vitin 2017, ajo iku nga Kina me një pasaportë të falsifikuar dhe vendosi në një apartament luksoz në Hampstead me qira prej 18,000 eurosh në muaj. Për të ricikluar pasuritë e saja të fituara në mënyrë të paligjshme, ajo rekuptoi si trashëgimtare të një koleksioni diamantesh dhe angazhoi një ish-punonjëse restoranti si asistente personale.
Pas një viti, policia britanike realizoi një bastisje në shtëpinë e saj dhe zbuloi disqe që përmbanin dhjetëra mijëra Bitcoin, një nga sekuestrimet më të mëdha të kriptomonedhave në Britani. Vlera e kësaj sasi është rritur 20-fish që kur ajo e kishte fituar atë.
Ambiciet e saj për një mbretëri në Liberland, një vend i panjohur në Danub, u shfaqën në ditarin e saj, ku shpresonte të ndërtonte një tempull budist. Duke përdorur pseudonime dhe pasaporta të shumta, ajo ishte në gjendje që të udhëtonte dhe të shpenzonte shuma të mëdha për bizhuteri dhe rroba të shtrenjta, por përpjekjet e saj për të blerë pasuri të reja në Britani e çuan atë në kontrollin e policisë për pastrim parash.
