Real Madrid ka marrë një vendim përfundimtar në merkaton e ardhshme të verës. Sipas gazetarit të njohur Santi Aouna, “Los Blancos” kanë vendosur të mos ndjekin më pistën e Ibrahima Konaté nga Liverpool dhe janë përqendruar te mbrojtësi francez i Bayern Munich, Dayot Upamecano.
27-vjeçari ka zhvilluar 14 ndeshje këtë sezon me Bayern-in dhe vlerësohet me rreth 60 milionë euro nga Transfermarkt. Kontrata e tij skadon në verën e vitit 2026, ndërsa Real Madrid planifikon ta sjellë në “Santiago Bernabéu” me një ofertë të favorshme.
Në të njëjtën kohë, Real ka hequr dorë nga kapiteni i Crystal Palace, Marc Guehi, i cili tashmë ka arritur marrëveshje për t’u bashkuar me Liverpool.
