Megjithëse ndodhet në paraburgim, kryebashkiaku i Tiranës, Erion Veliaj, ka nxitur që qyteti të fillojë përgatitjet për festat e fundvitit.
Sipas raportimeve të fundit, ai ka dhënë urdhra për Ndërmarrjen e Dekorit dhe Eventeve, duke kërkuar vendosjen e ndriçimeve dhe zbukurimeve festive në sheshe, rrugë dhe hapësira publike.
Pjesë e këtij procesi është edhe ruajtja e standardeve më të larta të sigurisë, si dhe përmbushja e kërkesave teknike dhe estetike.
Në dokumentin e urdhrit të tij, Veliaj thekson nevojën për t’u përmbajtur vendimit nr. 420, datë 08.06.2006, i Caktuar nga Këshilli i Ministrave, që përcakton ceremonialin shtetëror të Republikës së Shqipërisë.
Kjo përfshin edhe obligimin për të dekoruar godinat e ministrive sipas kërkesave të institucioneve përkatëse.
Pavarësisht situatës së tij ligjore, ku po përballet me akuzat dhe ndodhet në paraburgim, një lajm optimist ka ardhur nga Gjykata Kushtetuese shqiptare, e cila i ka njohur të drejtën Veliajt për të vazhduar detyrën e tij si kryetar i Bashkisë së Tiranës.
Ky vendim duket se i jep një forcë të re dhe legjitimitet veprimeve të tij, duke e mbajtur atë aktiv në politikën lokale.
