Një aksident tragjik ka ndodhur pasditen e djeshme në aksin Shkodër-Han i Hotit, ku dy persona humbën jetën. Viktimat janë babë e bir, Valentin Bluda, 32 vjeç, dhe Nikollë Bluda, 76 vjeç, që ishte pasagjer në automjet. Sipas informacioneve të para, Valentin Bluda ka humbur kontrollin e automjetit dhe është përplasur me një shtyllë metalike në anë të rrugës.
Policia dhe grupi hetimor janë në vendngjarje dhe po punojnë për të sqaruar shkaqet e këtij aksidenti tragjik. Deri tani, nuk janë dhënë detaje të tjera për rrethanat e plota të ngjarjes, por hetimet janë duke vijuar për zbardhjen e shkaqeve që çuan në këtë ngjarje tragjike.
Ngjarja e rëndë ka ndodhur rreth orës 18:20, kur drejtuesi i mjetit dyshohet se ka humbur kontrollin dhe është përplasur me një tabelë reklame buzë rrugës. Përplasja ka rezultuar fatale për të dy personat që ndodheshin në automjet.
