Vajza e Mozzikut dhe Loredanës, Hana, feston sot ditëlindjen e saj të gjashtë. Kjo është një ditë e veçantë për dy prindërit e saj, të cilët edhe pse të ndarë, vazhdojnë të mbajnë lidhje të ngrohta me të bijën.
Për këtë rast, Loredana ka ndarë një mesazh emocionues në Instagram për të u uruar atij një ditëlindje të lumtur.
“Gëzuar ditëlindjen vajza ime e bukur. Ti je gjëja më e mirë që më ka ndodhur, dhurata ime më e madhe përgjithmonë! Te dua Hana! Nëna jote,” ka shkruar Loredana në Insta Story, duke shprehur dashurinë dhe krenarinë që ka për të bijën.
Loredana dhe Mozzik, të cilët janë divorcuar prej disa vitesh, ruajnë një marrëdhënie të mirë për hir të vajzës së tyre, e cila jeton me nënën në Gjermani. Edhe pse familja është shpërndarë, Hana vazhdon të jetë qendra e botës së dy prindërve, të cilët e duan dhe mbështesin pa kushte.
