Legjenda e Bayern, Uli Hoeness, ish-president, por aktualisht një dorë e fortë në vendimet e klubit, mendon se Bayern ka një problem serioz.
Sipas tij, problemi është pësimi i golave në mënyrë shumë të thjeshtë. “I kam kërkuar një shpjegim drejtorit sportiv Eberl. Mendoj se ai duhet të vijë me ide të reja sesi të korrigjohen këto gabime”, ka deklaruar Hoeness.
Nga sa duket, Hoeness nuk e sheh problemin vetëm te trajneri apo te disa individë, por te sistemi. Për këtë ka përmendur emrin e drejtorit sportiv, ndoshta duke theksuar se skuadra ka nevojë për emra të tjerë.
Upamecano dhe Kim ende nuk kanë bindur totalisht në Mynih. Ata nuk janë afirmuar si lojtarë të klasit botëror dhe shpesh bëjnë gabime të pafalshme për nivele të tilla.
Emra të përmendur së fundmi në merkaton e Bayern për qendrën e mbrojtjes janë Araujo nga Barcelona, Romero nga Tottenham, Bastoni nga Inter dhe Van Dijk nga Liverpool.
