Ushtria ukrainase ka bërë të ditur se sot ka goditur sistemet raketore ruse në rajonin Bryansk, të cilat po përgatiteshin të sulmonin vendin, të enjten (5 qershor).
Shtabi i Përgjithshëm i Forcave të Armatosura të Ukrainës kë bërë të ditur se Forcat e Armatosura, në bashkëpunim me Shërbimin e Sigurisë dhe elementë të tjerë të Forcave të Mbrojtjes, nisën një sulm me raketa ndaj një njësie të Forcave Raketore Ruse në rajonin e Bryansk.
“Një raketë ruse shpërtheu dhe dy të tjera me shumë gjasa u dëmtuan”, tha shtabi i përgjithshëm nëpërmjet aplikacionit të mesazheve Telegram.
Shtabi i Përgjithshëm i Forcave të Armatosura të Ukrainës publikoi një video që tregon një raketë që godet një vijë pyjore në rajonin që kufizohet me Ukrainën dhe Bjellorusinë.
Ata shtuan se kryeqyteti i Ukrainës, Kievi, ka gjasa të ishte shënjestra e sulmit që po përgatitej nga njësia në rajonin e Bryansk
Sipas raportimit të Ukrinform, mësohet se një njësi e Brigadës së 26-të të Raketave u përpoq të niste një sulm ndaj njërit prej vendbanimeve ukrainase, me shumë mundësi Kievit, nga zona e Klintsy në rajonin e Bryansk, thuhet në raport.
“Falë zbulimit efektiv dhe si rezultat i përpjekjeve të koordinuara, objektivat u goditën me sukses. Një raketë lëshuese ruse shpërtheu dhe dy të tjera me shumë gjasa u dëmtuan. Vlerësimi i dëmit ende nuk është përditësuar.Përpjekja efektive dhe në kohë i lejoi Ukrainës të shmangte viktimat midis popullatës civile”, theksoi Shtabi i Përgjithshëm.
Më herrët Shërbimi i Sigurisë i Ukrainës kreu një Operacion unik “Rrjeti i Merimangës”, duke lëshuar tufa dronësh të vegjël të futur më parë në Rusi në katër aeroporte ruse që strehonin bombardues strategjikë. Si rezultat, u goditën 41 avionë luftarakë strategjikë rusë, duke përfshirë modele të tilla si A-50, Tu-95, Tu-22 M3 dhe Tu-160.
Qendra e koordinimit të operacionit special ndodhej afër njërës prej zyrave rajonale të FSB-së.
SBU-ja goditi gjithashtu së fundmi Urën e Krimesë në atë që duket të jetë një sulm i tretë, këtë herë duke synuar mbështetjet nënujore.
