Dronët ukrainas kanë goditur një nga rafineritë më të mëdha të naftës në Rusi, Kirishi, e cila ndodhet në Rajonin e Leningradit.
Guvernatori rajonal Alexander Drozdenko konfirmoi sulmin. Rafineria Kirishi është një nga më të mëdhatë në Rusi, me një kapacitet për të përpunuar mbi 17 milionë ton naftë në vit.
Mbrojtja ajrore ruse ka kapur tre dronë në zonën e Kirishit, sipas Drozdenkos.
Megjithatë, mbetjet e një droni të rrëzuar u përplasën në vendin e rafinerisë, duke shkaktuar zjarr.
Zjarri u shua më vonë dhe nuk pati viktima, shtoi guvernatori.
Rafineria Kirishi, është një nga dy rafineritë më të mëdha të naftës në Rusi për nga vëllimi, së bashku me Rafinerinë e Naftës Ryazan.
E kontrolluar nga Surgutneftegaz, uzina përpunon afërsisht 17.7 milion ton (355,000 fuçi në ditë) naftë bruto ruse çdo vit, ekuivalente me 6.4% të totalit të vendit. Rafineria ndodhet më shumë se 800 kilometra nga kufiri me Ukrainën.
Agjencia e inteligjencës ushtarake të Ukrainës (HUR) deklaroi se kishte kryer tashmë një sulm ndaj Rafinerisë Kirishi në mars të vitit 2025.
Forcat ukrainase kanë intensifikuar sulmet ndaj industrisë ruse të naftës gjatë vitit të kaluar.
Kievi i konsideron rafineritë ruse të naftës si objektiva të vlefshme ushtarake, pasi ato financojnë dhe furnizojnë me energji makinën e luftës së Moskës.
