Komisioni i Etikës dhe Disiplinës në UEFA ka ndëshkuar Federatën Shqiptare të Futbollit (FSHF) me një gjobë prej rreth 28 mijë eurosh për hedhjen e sendeve në fushë dhe ndezjen e flakadanëve gjatë ndeshjes kundër Çekisë, zhvilluar më 16 nëntor në Tiranë.
Kjo nuk është hera e parë që FSHF përballet me penalizime të tilla. Në tetor, UEFA vendosi një gjobë prej 41 mijë eurosh për incidente në ndeshjet ndaj Ukrainës dhe Gjeorgjisë.
Përmes një deklarate, FSHF u ka bërë thirrje tifozëve të respektojnë kundërshtarët dhe të shmangin sjelljet që mund të dëmtojnë kombëtaren shqiptare.
