Snowboardistja olimpike, Sophie Hediger, ka humbur jetën pas një aksidenti tragjik në Arosa, të hënën, ku u zu nga një ortek bore.
Hediger, 26 vjeçe, ishte anëtare e ekipit kombëtar të snowboard-it dhe kishte marrë pjesë në Lojërat Olimpike Dimërore 2022 në Kinë, përpara se të arrinte dy podiumet e para në Kupën e Botës gjatë sezonit 2023-24.
Drejtori ekzekutiv i sporteve të Swiss-Ski, Walter Reusser, shprehu trishtimin e thellë për humbjen e Hediger, duke e cilësuar vdekjen e saj si një tragjedi që ka lënë një hije të errët mbi festat e Krishtlindjeve.
Swiss-Ski ka njoftuar se nuk do të publikohen më shumë detaje për ngjarjen, në respekt të dëshirave të familjes dhe partnerit të saj.
