Anila Prendushi, është vajza e cila është qëlluar më armë zjarri nga i dashuri i saj Kolë Manaj në Shkodër. Fillimisht burime nga vendi i ngjarjes raportuan se kishin humbur jetën të dy brenda në makinën ku ndodhi krimi, por për fat të mirë mësohet se vajza është gjallë, edhe pse në gjendje kritike për jetën.
Polica njofton paraprakisht se ngjarja kriminale ka ndodhur rreth orës 11:15 brenda një automjeti, ku 34-vjeçari ka qëlluar Anila Prendushin dhe veten.
Çifti është gjetur brenda në makinë, 34-vjeçari pa shenja jete, ndërsa partnerja në gjendje kritike për jetën. Bredna automjetit ëhstë gjetur edhe arma e zjarrit e përdorur nga viktima Kolë Manaj.
Njoftimi i policisë:
Shkodër/Informacion paraprak
Rreth orës 11:15, në lagjen “Mark Lula”, janë gjetur në një automjet, shtetasi K. M., 34 vjeç dhe shtetasja A. P., me plagë të shkaktuara nga armë zjarri.
Shtetasi K. M. ka humbur jetën, ndërsa shtetasja A. P. është dërguar në spital, në gjendje shumë të rëndë.
Shërbimet e Policisë kanë shkuar menjëherë në vendin e ngjarjes dhe po kryejnë veprimet hetimore për rastin.
Nga veprimet e para rezulton se automjeti nuk ka dëmtime të jashtme të shkaktuara nga armë zjarri. Në brendësi të automjetit është gjetur një armë zjarri pistoletë.
Grupi hetimor, në drejtimin e Prokurorisë, vijon punon për zbardhjen e rrethanave të ngjarjes.
