Detaje të reja janë zbuluar nga pengmarrja e sotme e 35-vjeçarit Dodë Gjoka. Pasi u morr peng nga tre persona, ai u lirua dhe tani ndodhet në spital për ndihmë mjekësore. Dodë Gjoka ka dëmtime në pjesë të ndryshme të kokës dhe trupit.
Ndërkohë policia po vijon punën për kapjen e tre personave me inicialet K. P., B. V. dhe Xh. E., të tre banues në fshatin Tresh.
Dodë Gjoka rezulton se është një punonjës i sigurisë në HEC-in e Kaçinarit, në Mirditë. Rrëmbimi i tij vjen disa ditë pasi banorët e Kaçinarit protestuan kundër ndërtimit të HEC-it.
