Dy shqiptare, një 25-vjeçare dhe një 54-vjeçare janë arrestuar në Greqi pasi u kapën me drogë në makinë.
Raportohet se arrestimi i tyre u krye me 25 nëntor në Kozani.
Gjatë një operacioni për ndalimin e trafikimit të lëndëve narkotike, policia greke kapi në flagrancë shqiptaret.
Gjatë kontrollit në makinën e tyre u konstatua se dy gratë mbanin së bashku dy çanta udhëtimi, në të cilat ndodheshin pesë pako kanabis të papërpunuar me një peshë totale bruto prej 30 kilogramë e 50 gramë.
Gjithashtu gjatë kontrollit, përveç drogës dy shqiptareve iu sekuestruan: 4 telefona celularë, 2 karta SIM, shuma prej 110 euro dhe shuma prej 1200 lekësh.
