Është identifikuar personi i pajetë i cili u gjet mëngjesin e sotëm në fshatin Dragostunjë të Librazhdit. Ai dyshohet të jetë shtetasi Nazmi Cani, një tregtar i njohur i këpucëve në zonë.
Pas mbërritjes së policisë në vendngjarje dhe identifikimit të trupit, dyshohet se shkaku i vdekjes mund të ketë qenë një infarkt i miokardit, por ende nuk ka një konfirmim zyrtar.
Trupi i pajetë është dërguar për një ekspertizë mjeko-ligjore, e cila pritet të ofrojë më shumë informacion mbi shkaqet e vdekjes.
Policia ka rrethuar zonën ku u gjet trupi dhe ka marrë në pyetje disa banorë të zonës dhe të afërm të viktimës për të mbledhur informacione që mund të ndihmojnë në zbardhjen e ngjarjes. Hetimet janë ende në fazë paraprake dhe autoritetet po presin rezultatet zyrtare nga ekspertiza.
