Gruaja që shikoni në foton e mëposhtme është 53-vjeçarja Valbona Rama, e cila u arrestuar si bashkëpunëtore në vrasjen e bashkëshortit të saj, Anesti Rama, në fshatin Frashër të Fierit. Si autore e krimit dyshohet vajza e tyre, 26-vjeçarja Emanilda Rama.
Dyshohet se pas vrasjes, nënë e bijë, Valbona dhe Emanilda Rama, kanë tentuar që të fshihnin ngjarjen duke pastruar trupin e 56-vjeçarit, me qëllim inskenimin si ngjarje aksidentale. Mbi 53-vjeçaren rëndon akuza për veprën penale “Veprime që pengojnë zbulimin e së vërtetes”.
“Nga hetimet e deritanishme dyshohet se pas vrasjes, shtetasja V. R. ka ndihmuar vajzën e saj, për të pastruar trupin e 56-vjeçarit, me qëllim që të mos zbulohej e vërteta dhe humbja e jetës të dukej aksidentale.” – thuhej në njoftomin e Policisë.
Emanilda Rama, pasi e mbyti me tel babain, dyshohet se e dëmtoi edhe në pjesët intime, duke e prerë disa herë, teksa e kishte goditur edhe në pjesën e kokës.
Pasi kreu vrasjen, 26-vjeçarja telefonoi policinë duke pretenduar se babai kishte humbur jetën si pasojë e një ngjarje aksidentale. Por, pas kryerjes së veprimeve të para hetimore, u krijuan dyshimet se 56-vjeçari nuk kishte humbur jetën aksidentalisht.
Vajza ka pranuar më pas krimin në polici, duke treguar se i ati ishte fanatik dhe se nuk e linte që të vishej si donte apo të argëtohej. 26-vjeçarja i ka thënë grupit hetimor se 56-vjeçari i ushtronte presion në përditshmërinë e saj dhe se kishte debate të shpeshta me të atin pasi nuk i jepte para kur ajo i kërkonte.
