Reperja shqiptare Loredana Zefi dhe futbollisti i kombëtares gjermane, Karim Adeyemi, janë në qendër të mediave pas një incidenti ku ata u ndaluan nga policia gjermane për mbajtjen e armëve pa leje.
Gjyqi ka vendosur një gjobë të konsiderueshme prej 450,000 eurosh për Adeyemin, e cila do të paguhet në 60 këste nga 7,500 euro secili. Edhe Loredana pritet të përballet me gjoba, megjithatë shumat e sakta ende nuk janë specifikuar.
Në një postim të gjatë në Instagram, Adeyemi ka shpjeguar situatën, duke theksuar se incidenti ndodhi nga pakujdesia.
Ai pranoi se kishte porositur një “Mystery Box” pa ditur se brenda do të kishte objekte të ndaluara. Pak mesi më vonë, paketa përfundoi në duart e policisë për një rast të rastësishëm. Ai e ka cilësuar këtë një gabim të rëndë dhe është shprehur se ndjehet thellësisht keq.
Postimi i tij përmbante një reflektim mbi përgjegjësinë që ka si figurë publike: “E di që jam person publik dhe kam një rol. Nuk e kam përmbushur si duhet këtë rol,” ka shkruar ai.
Në përfundim të deklaratës, ai premtoi se do të mësojë nga kjo përvojë dhe se do të shmangë gabime të ngjashme në të ardhmen.
