Forca të shumta policie zbarkuan sërish mëngjesin e kësaj të premte në qytetin bregdetar të Durrësit.
Burime për mediat bëjnë me dije se në kuadër të këtij operacioni ku morën pjesë forcat RENEA dhe Policia e Shtetit u bë i mundur arrestimi i Xhevdet Plakut, një nga emrat më të njohur në botën e krimit në Shqipëri.
Plaku, i njohur me nofkën “Akili” u lakua gjerësisht nëpër mediat në janar të këtij viti, ku mëngjesin e 23 janarit ai u arratis nga burgu i Ankonës ku po vuante dënimin për trafik drogë në Europë.
Plaku u arratis me një “plan perfekt” në dukje të heshtur, por të mirëmenduar prej kohësh.
Prej shumë muajsh, ai ishte një i burgosur model në sjellje, kjo i kishte mundësuar atij që në nëntor të vitit të kaluar të përfitonte nga regjimi i parashikuar nga neni 21 i Kodit të Burgjeve. Që do të thotë: punoni jashtë, pa shoqërues.
Dhe pikërisht mëngjesin e 23 janarit, rreth orës 8:30 ka dalë për të zbrazur koshat e plehrave në kazermë. Një rutinë e përditshme, që dukej krejt e zakonshme, por që u shndërrua në një arratisje, e cila nuk zgjati dhe për shumë gjat pasi mëngjesin e kësaj të premte, 23 maj, 5 muaj pas u arrestua nga blutë shqiptare.
