Seksioni për Hetimin e Narkotikëve në Tiranë ka finalizuar operacionin policor të koduar “Twins”, në kuadër të goditjes së veprimtarive kriminale në fushën e narkotikëve.
Si rezultat i operacionit u arrestuan në flagrancë 4 shtetas, të cilët u kapën në një lokal në rrugën “Myslym Shyri”, me një pako me lëndë narkotike kokainë.
Të arrestuarit janë:
A. L., 25 vjeç G. P., 30 vjeç P. K., 18 vjeç J. Z., 18 vjeç, shtetas grek
Nga kontrolli, shërbimet e Policisë sekuestruan:
1 kg e 65 gram kokainë 2 automjete tip “Benz”, të ngjashme me njëra-tjetrën, të përdorura për transportin dhe shpërndarjen e drogës 4 aparate celularë një shumë parash
Hetimet kanë treguar se A. L. dhe G. P. përdornin automjetet e tyre të njëjta për të transportuar lëndën narkotike, me qëllim konfuzimin e Policisë. Ndërkohë, shtetasit P. K. dhe J. Z., miq të tyre, nuk kanë kallëzuar për krimin.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
