Presidenti i Ukrainës Zelensky do të takohet me liderin amerikan, Donald Trump për bisedime në Uashington DC të hënën.
Në një postim në Telegram, Zelensky u shpreh se është “mirënjohës për ftesën”.
Takimi në SHBA mes dy udhëheqësve vjen pas Samitit mes Trump dhe presidentit rus Vladimir Putin, pa një marrëveshje për paqen në Ukrainë.
Gjatë udhëtimit nga Alaska në Amerikë, Trump zhvilloi një bisedë telefonike me Zelensky dhe më pas telefonatës iu bashkuan edhe udhëheqësit e NATO.
Ishte sekretarja e shtypit e Shtëpisë së Bardhë, Karoline Leavitt, që zbuloi se gjatë fluturimit për në Uashington DC, Trump zhvilloi bisedën me udhëheqësin ukrainas.
Më pas lajmi u konfirmua nga zyra presidenciale e Ukrainës, ku u deklarua se: “Ishte një telefonatë e gjatë — fillimisht midis presidentëve Zelensky dhe Trump, pas së cilës iu bashkuan edhe udhëheqësit evropianë.”
