Vetëm disa orë pas shpalljes së armëpushimit mes Izraelit dhe Iranit, tensionet mes dy vendeve u rikthyen. Izraeli akuzoi Iranin për shkelje të marrëveshjes, duke pretenduar se dy raketa u lëshuan drejt territorit të tij. Ndërkohë, Teherani reagoi menjëherë duke mohuar akuzat dhe deklaroi se “nuk është qëlluar asnjë raketë ndaj armikut”.
Përballë kësaj situate, autoritetet izraelite paralajmëruan një përgjigje ushtarake hakmarrëse, duke ngritur shqetësime për një përshkallëzim të mundshëm të konfliktit në rajon.
Reagimi i shpejtë erdhi nga presidenti amerikan Donald Trump, i cili publikoi një mesazh të qartë në rrjetin e tij social Truth Social, duke i bërë thirrje Izraelit të ndalë çdo veprim ushtarak.
“Izrael, mos hidh ato bomba. Nëse e bën, është një shkelje e rëndë. Ktheji pilotët në shtëpi, tani!” – shkroi Trump.
Përmes këtij mesazhi, Trump kërkoi ndalimin e menjëhershëm të çdo sulmi ndaj Iranit, duke e cilësuar çdo përshkallëzim si cenim të rëndë të marrëveshjes së armëpushimit.
