Zëdhënësi i Kremlinit, Dmitri Peskov e pranoi fitoren e Donald Trump në zgjedhjet amerikane, por tha se nuk ishte në dijeni nëse presidenti rus, Vladimir Putin do ta uronte republikanin.
SHBA-të mbeten një vend jomiqësor ndaj Rusisë, kujtoi gjithashtu Dmitri Peskov.
Moska po monitoron nga afër zhvillimet dhe po analizon deklaratat e politikanëve amerikanë në lidhje me Rusinë, shtoi zëdhënësi i Kremlinit, duke vënë në dukje se marrëdhëniet mes dy vendeve janë në një pikë historike të ulët.
Trump ka mbështetur më parë Putinin kundër agjencive të inteligjencës amerikane mbi akuzat për ndërhyrje në zgjedhje, ka argumentuar se ndihma për Ukrainën duhet të ndërpritet dhe ka kritikuar vazhdimisht NATO-n.
Në librin e tij të botuar së fundmi, gazetari veteran amerikan Bob Ëoodëard pretendon se Trump dhe Putin kanë folur deri në shtatë herë që kur Trump u largua nga Shtëpia e Bardhë në vitin 2021, me kontaktin më të fundit që ndodhi këtë vit.
