Shtetet e Bashkuara do të duhet të “bëjnë diçka shumë të ashpër” nëse nuk arrihet një marrëveshje me Iranin, paralajmëroi Presidenti i SHBA-së Donald Trump këtë të martë.
“Ose do të bëjmë një marrëveshje ose do të na duhet të bëjmë diçka shumë të ashpër”, ka deklaruar Trump.
Sipas Channel 12 dhe faqes së internetit Axios, presidenti i SHBA-së po shqyrton dërgimin e një aeroplanmbajtëseje të dytë në Lindjen e Mesme, ndërsa tensionet midis Uashingtonit dhe Teheranit vazhdojnë për shkak të programit bërthamor të Iranit dhe shtypjes së protestave të fundit antiqeveritare.
“Kemi një armatë që po shkon atje dhe një tjetër mund të vijë pas saj”, tha Trump, duke shtuar se po mendon për dërgimin e një grupi tjetër sulmi me transportues aeroplanësh.
Sipas një zyrtari amerikan, ka pasur disa diskutime për dërgimin e një grupi të dytë sulmi me transportues aeroplanësh në rajon.
Sakaq, sipas Axios, Teherani ka këmbëngulur publikisht se nuk do të negociojë për asnjë çështje tjetër përveç programit të tij bërthamor dhe edhe atëherë nuk do të heqë dorë nga e drejta e tij për të pasuruar uranium.
Nga ana e tij, Trump tha se ishte “e dhënë” që çdo marrëveshje do të mbulonte programin bërthamor të Iranit, por se ai gjithashtu besonte se do të ishte e mundur të adresohej rezervat e raketave balistike të Iranit.
“Mund të bëjmë një marrëveshje të shkëlqyer me Iranin”, ka theksuar ai.
