Presidenti amerikan, Donald Trump, është duke diskutuar mundësinë e dërgimit të kompanive private ushtarake amerikane në Ukrainë si pjesë e një marrëveshjeje të mundshme paqeje. Këto kompani do të ndihmojnë në ndërtimin e fortifikimeve për të mbrojtur interesat e SHBA-së dhe për të parandaluar shkeljet e armëpushimit nga Presidenti rus, Vladimir Putin. Sipas burimeve të Telegraph, ky plan përfshin gjithashtu masa të tjera sigurie, përfshirë policimin ajror dhe trajnimin e forcave ukrainase.
Zyrtarët kanë theksuar se strategjia kryesore është rinovimi dhe mbështetje e Forcave të Armatosura të Ukrainës, përmes riarmatosjes dhe trajnimit nga aleatët evropianë të NATO-s. Ajo që i jep rëndësi këtij plani është se, sipas zyrtarëve, ndihma nga kompanitë private ushtarake do të shërbejë si një frenues ndaj agresionit rus, në kushtet ku Trump ka premtuar më parë se nuk do të dërgojë armë në Ukrainë. Prania e këtyre kompanive mund të përbëjë një zgjidhje për të qetësuar vendet evropiane që kërkojnë një angazhim më të madh nga SHBA.
Një zhvillim tjetër i rëndësishëm është miratimi i Departamentit amerikan të Shtetit për shitjen e sistemeve të mbrojtjes ajrore Patriot për Ukrainën me një vlerë prej 179.1 milion dollarësh. Kontraktorët kryesorë për këtë kontratë do të jenë RTX Corp dhe Lockheed Martin. Po ashtu, një marrëveshje e re ka kaluar për shitjen e deri në 3,350 raketave SM-6, të vlerësuara në 825 milion dollarë, me mbështetje financiare nga SHBA dhe vende të tjera evropiane.
Kjo njoftim vjen në një kohë kur Rusia ka nisur një seri sulmesh me raketa dhe dronë kundër objektivave ukrainase, duke e përshkallëzuar tensionin në rajon. Ky është sulmi më i rëndë që nga fundi i korrikut, pavarësisht përpjekjeve diplomatike për të arritur një zgjidhje paqësore. Rrethanat aktuale detyrojnë një angazhim më të thellë dhe të menjëhershëm për sigurinë e Ukrainës nga ana e aleatëve perëndimorë.
