Një ngjarje e rëndë ka ndodhur në qytetin e Shkodrës mbrëmjen e sotme, ku një 15-vjeçar është vrarë me thikë.
Ngjarja dyshohet se ka ndodhur pas një konflikti për motive të dobëta, teksa autori ende nuk është identifikuar. Autori nuk është ndaluar ende nga policia dhe vijon të jetë në kërkim.
“Rreth orës 19:30, në zonën e Fermentimit, në lagjen “Skenderbeg”, dyshohet se gjatë një konflikti për motive të dobëta, një shtetas ende i paidentifikuar ka dëmtuar me mjet prerës (thikë), një të mitur 15-vjeç, i cili si pasojë e plagëve të marra ka ndërruar jetë në Spitalin Rajonal Shkodër.
Shërbimet e Policisë kanë shkuar menjëherë në vendngjarje ku po punojnë për identifikimin dhe kapjen e autorit.
Ndërkohë, vijon puna e grupit hetimor, për sqarimin e plotë të rrethanave të ngjarjes”, njofton policia.
