Tre gra, të mbajtura si pengje nga Hamasi janë lënë të lira!
Në pamjet e transmetuara në media, duket momenti kur tre pengjet dalin nga një automjet të rrethuar nga ushtarë të armatosur të grupit. Ato u liruan pas një periudhe të gjatë në robëri. Pas kësaj, gratë iu dorëzuan vullnetarëve të Kryqit të Kuq.
“Tre gratë u dorëzuan zyrtarisht Kryqit të Kuq në sheshin Al-Saraiya, në lagjen Al-Rimal, në qytetin perëndimor të Gazës,” tha një zyrtar i Hamasit për AFP.
Pas dorëzimit, Kryqi i Kuq njoftoi Ushtrinë se gratë ishin në gjendje të mirë shëndetësore dhe ishin në rrugë për të kaluar te forcat izraelite në Gaza.
