Chelsea ka fituar garën për Morgan Rogers, duke mposhtur rivalët e Arsenalit për një nga talentet më të kërkuar të Premier League.
Sipas Fabrizio Romano, Chelsea dhe Aston Villa kanë arritur marrëveshje të plotë për transferimin e mesfushorit anglez. Klubi nga Birmingham ka pranuar ofertën prej 117 milionë paundësh, një shifër që e bën transferimin e Rogers të pestin më të shtrenjtë në historinë e futbollit.
Drejtuesit e Chelsea përshpejtuan negociatat pasi mësuan se Arsenali ishte gati të paraqiste një ofertë zyrtare. “Blutë” reaguan menjëherë, mbyllën marrëveshjen me Aston Villa dhe siguruan edhe miratimin e lojtarit.
Rogers ka arritur tashmë marrëveshje personale me Chelsea dhe pritet të firmosë kontratë deri në qershor të vitit 2032.
Zyrtarizimi pritet të vijë shumë shpejt, ndërsa Chelsea siguron një nga emrat më të spikatur të futbollit anglez dhe një përforcim të madh për të ardhmen.
