Kryetari i dorëhequr i bashkisë së Koçanit, Ljupço Papazov, dhe dy ish-kryetarë të bashkisë, Nikolço Iliev dhe Ratko Dimitrovski, janë arrestuar nga policia.
Ata dyshohet se janë të përfshirë në tragjedinë me 59 viktima në klubin “Pulse”. Prokuroria Themelore Publike e Koçanit ka urdhëruar një aksion policor lidhur me këtë rast. Ky aksion ka për qëllim hetimin e përgjegjësive për zjarrin në klubin “Pulse”.
Arrestimet janë bërë në kuadër të procedurës hetimore për tragjedinë. Operacioni i arrestimeve do të vazhdojë gjatë natës, dhe priten më shumë informacione pas përfundimit të tij.
Papazov është marrë në pyetje më 17 mars në Prokurorinë Publike të Koçanit. Pas përfundimit të marrjes në pyetje, Prokuroria ka njoftuar se do të vendoset për statusin e tij të ardhshëm. Sqarimet dhe informacionet e dhëna nga Papazov janë krahasuar me materialet dëshmuese të procesit.
Prokuroria ka deklaruar se do të vendosë për hapat e mëtejshëm në procedurë pas analizës së informacionit të grumbulluar.
