Një ngjarje e rëndë ka ndodhur pasditen e sotme në fshatin Yrshek të Tiranës. Policia bën me dije se një i mitur 15 vjeç, i cili është arrestuar, ka aksidentuar një të moshuar, i cili ka ndërruar jetë.
I mituri po qarkullonte me makinën e prindërve, ndërsa i moshuari ishte me biçikletë.
Njoftimi i policisë:
Specialistët e qarkullimit rrugor bënë arrestimin e shtetasit të mitur 15 vjeç, pasi në Yrshek, ditën e sotme, rreth orës 14:40, dyshohet se duke drejtuar një automjet të familjarëve të tij, ka aksidentuar shtetasin S. V., 82 vjeç, i cili po lëvizte me biçikletë.
Si pasojë 82-vjeçari ka humbur jetën rrugës për në spital.
Materialet procedurale iu referuan Prokurorisë së Tiranës, për veprime të mëtejshme.
