Policia Kufitare e Qafë-Botës në Sarandë, në bashkëpunim me shërbimet e FRONTEX, kanë goditur një rast të trafikut të klandestinëve nga Shqipëria në drejtim të Greqisë, me qëllime përfitimi. Sipas informacioneve, në pranga ra një 31-vjeçar britanik, Finan Kibrom, që po shoqëronte një grup emigrantësh, me qëllim kalimin e paligjshëm të kufirit. Sipas informacioneve, arrestimi u bë në flagrancë, për veprën penale “dhënia e ndihmës për kalim të paligjshëm të kufijve shtetërorë”.
Njoftimi:
Gjatë këtyre kontrolleve, mbrëmjen e djeshme (31 qershor), në zonën e Kataetos, u konstatua një shtetas i huaj që po shoqëronte një grup prej 7 emigrantësh të paligjshëm, me qëllim kalimin e tyre të paligjshëm në territorin grek.
Nga hetimet paraprake rezultoi se ky shtetas kishte ndërmarrë shoqërimin e personave të mësipërm drejt kufirit, kundrejt pagesës, me qëllim kalimin e tyre të paligjshëm në Greqi.
Materialet procedurale u referuan në Prokurorinë e Sarandës për veprime të mëtejshme dhe zbulimin e të gjithë personave të implikuar në këtë rrjet.
