BBC Sport ka raportuar për një episod të pazakontë që ka nxitur diskutime, ku trajneri i Tottenhamit, Frank, u pa duke marrë një gotë kafeje nga një anëtar i stafit në stadiumin Vitality, aty ku Arsenali kishte luajtur më 3 janar. Sipas raportimit, ngjarja kaloi pa u vënë re nga askush në kampin e Spurs.
I pyetur për këtë në konferencën për shtyp pas ndeshjes, Frank reagoi ashpër duke mohuar çdo nënkuptim të keq. “Me siguri nuk e kam vënë re. Nuk po fitojmë çdo ndeshje, kështu që do të ishte krejtësisht budallallëk të merrja një gotë me Arsenalin,” u shpreh ai.
Trajneri shtoi se marrja e një kafeje para ndeshjes është një praktikë e zakonshme. “Stafi ka qenë në dhomën e zhveshjes nga ndeshja e mëparshme. Është normale të merret një gotë, të më jepet një espresso. E bëj këtë para çdo ndeshjeje. Është pak e trishtë që duhet të pyesin për këtë,” theksoi Frank.
Ndërkohë, Tottenham po kalon një periudhë të vështirë. Pas humbjes dramatike në minutat e fundit ndaj Bournemouth, Spurs kanë mbetur pa fitore në tri ndeshjet e fundit dhe kanë regjistruar vetëm një fitore në gjashtë takimet e fundit në Premier League.
Pakënaqësia po rritet edhe në tribuna, ku frustrimi i tifozëve po drejtohet gjithnjë e më shumë ndaj stafit teknik dhe lojtarëve për paraqitjet në fushë.
Frank komentoi edhe për tensionet mes tifozëve dhe ekipit, duke pranuar klimën e rënduar emocionale. “Është një ditë e vështirë për të gjithë – lojtarë, staf dhe tifozë. Mendoj se paraqitja ishte e mirë, veçanërisht në pjesën e dytë, dhe meritonim më shumë,” tha ai.
Në fund, trajneri pranoi frustrimin e përgjithshëm, por e cilësoi atë si të natyrshëm. “Është jashtëzakonisht e dhimbshme të jesh pjesë e kësaj ndjenje. Natyrisht njerëzit janë të frustruar – unë jam i frustruar – dhe kjo është krejtësisht normale,” përfundoi Frank.
