Sonte është natë derbi në Jeddah: Real Madrid dhe Atlético Madrid përballen për biletën e fundit drejt finales së Superkupës së Spanjës. Pas kësaj gjysmëfinaleje, Barcelona (e kualifikuar që të mërkurën) do të mësojë kundërshtarin e saj në finalen e madhe.
Formacionet e Xabi Alonso-s dhe Diego Simeone-s tashmë janë të konfirmuara. Te Reali, Gonzalo García ka detyrën e vështirë të zëvendësojë Kylian Mbappé, i cili mungon për shkak të një dëmtimi në gju. Në mesfushë starton Eduardo Camavinga, ndërsa Ferland Mendy e nis nga stoli.
Nga ana tjetër, edhe te Atlético një emër i madh nuk është titullar: Antoine Griezmann është lënë në stol.
