Lufta mes fansave të Ronaldos dhe kanalit zyrtar të FIFA-s në X po bëhet gjithnjë e më e ashpër.
Fansat e yllit portugez besojnë se bëhet fjalë për një mungesë të hapur respekti ndaj idhullit të tyre.
Detajet: Pas heqjes së posterit të parë të Kupës së Botës 2026 — për shkak të mungesës së Cristiano Ronaldos dhe valës së kritikave në faqen zyrtare të FIFA-s në X — u publikua një poster i ri. Këtë herë Ronaldo është i përfshirë, por ka një “kurth”.
Në posterin e ri, krahas Ronaldos, shfaqet edhe Leo Messi duke mbajtur trofeun e Kupës së Botës, si dhe momenti i golit vendimtar të Argjentinës në finalen e fundit. Për më tepër, aty është edhe sulmuesi i Marokut, Youssef En-Nesyri — lojtari që eliminoi Portugalinë në Botërorin e fundit dhe shoi ëndrrën e Ronaldos për trofeun.
Tifozët e kanë cilësuar sërish posterin si provokues dhe mosrespektues ndaj legjendës 40-vjeçare portugeze, por këtë herë moderatorët e faqes së FIFA-s nuk e hoqën, duke sqaruar vetëm se këto janë kujtime nga kampionati i fundit botëror dhe jo posteri zyrtar për atë të ardhshmin.
