Aeroporti Ndërkombëtar i Tiranës “Nënë Tereza” ka reaguar lidhur me situatën globale të mungesës së karburantit për avionë, duke bërë të ditur se operimet nuk janë prekur dhe fluturimet po vijojnë sipas planit.
Në një njoftim zyrtar, TIA thekson se të gjitha nisjet drejt destinacioneve të parashikuara po realizohen normalisht, pa vonesa apo anulime të lidhura me furnizimin me karburant.
Sipas aeroportit, partneri zyrtar për furnizimin me karburant, kompania Air BP, ka siguruar rezerva të mjaftueshme për të përballuar kërkesën, e cila është rritur ndjeshëm vitet e fundit për shkak të shtimit të numrit të pasagjerëve.
TIA bën të ditur se situata paraqitet e qëndrueshme dhe furnizimet janë të garantuara, duke i lejuar aeroportit të vazhdojë operimet pa ndërprerje apo shqetësime për udhëtarët.
Autoritetet aeroportuale sigurojnë se po monitorojnë nga afër zhvillimet ndërkombëtare, por aktualisht nuk parashikohet asnjë ndikim në aktivitetin ajror në vend.
Njoftimi zyrtar i TIA
Aeroporti Ndërkombëtar i Tiranës Nënë Tereza
TIA nuk ndikohet nga kriza e karburantit për avionë, fluturimet vazhdojnë normalisht
Tiranë, 7 prill 2026 – Aeroporti Ndërkombëtar i Tiranës vazhdon operimin e linjave ajrore duke mos u ndikuar nga kriza globale e mungesës së karburantit për avionë.
Nisjet nga TIA do të vazhdojnë normalisht drejt destinacioneve të parashikuara.
Partneri zyrtar i furnizimit me karburant për avionë, Air BP, ka garantuar rezerva të mjaftueshme për TIA-n, mbështetur në rritjen e shpejtë të fluksit të pasagjerëve vitet e fundit.
Furnizimet janë të garantuara dhe situata paraqitet e qëndrueshme, çka na lejon të operojmë pa shqetësime.
Tirana International Airport Mother Teresa
TIA unaffected by global fuel shortage, flights continue normally
Tirana, April 7, 2026 – Tirana International Airport (TIA) continues to operate its air routes without being affected by the global crisis of jet fuel shortages. Departures from TIA will continue as scheduled to their planned destinations.
The official aircraft fuel supply partner, Air BP, has secured sufficient reserves for TIA, based on the rapid growth in passenger traffic in recent years.
Fuel supplies are guaranteed and the situation remains stable, allowing us to operate without concerns.
