Mbrëmjen e sotme, në shtëpinë e “Big Brother VIP Albania 4”, janë shkëmbyer përplasje të forta. Konflikti ka nisur për shkak të puthjeve në buzë që Laerti shkëmbeu me dy banorët, Aldon dhe Gjestin.
Disa banorë e kanë konsideruar këtë gjest të ndjerë, sidomos djemtë, por ajo që ra më shumë në sy ishte përplasja mes aktorit dhe Aldos.
Laerti ka akuzuar me forcë Aldon, duke thënë se ai ka flirtuar gjithmonë me të dhe se ka qenë vetë ai që i ka krijuar mundësinë për të shkëmbyer puthje në buzë.
“Dje kemi qeshur me këtë dhe sot vijmë në Prime e shoh Aldon që më sheh sikur do të më vrasë. Flirtimet e Aldos i kam parë. Do të përgjigjem me të njëjtat gënjeshtra që ti i hedh si të vërteta. E kam kuptuar që je i dashuruar me mua. Ta dhashë mundësinë të më puthësh. Unë jam fisnik, jam bujar. T’u plotësua dhe kjo dëshirë e jetës tënde, të puthje Laert Vasilin. Aldo është i dashuruar me mua”, tha aktori.
