Prokuroria e Posaçme kundër Korrupsionit dhe Krimit të Organizuar (SPAK) ka zbardhur komunikime që tregojnë se si ish-vartësi i zv/kryeministres Belinda Balluku, Evis Berberi komunikonte me njw tjetwr bashkwpunwtore tw tij Brunilda Bulin dhe administratorin e ‘DAAM’ shpk, Ervis Lami, edhe ky i ndaluar nga SPAK, në akuzën ‘Korrupsion’ dhe ‘Pastrim parash’
Nga të dhënat e siguruara nga përgjimet dhe mesazhet e sekuestruara rezulton se në datën 7 mars 2019, rreth orës 09:20, Ervis Lami, i dërgon një SMS Evis Berberit:
“Mirmengjes. Me duhet nje firme e Brunildes. Me foto. Dhe passwordi emailit daam?”
Vetëm 9 minuta më vonë, në orën 09:29, Evis Berberi i shkruan shtetases Brunilda Buli:
“Teze me bej nje foto firmes tende dhe ma nis. Ne atë app. Ta falsifikoj pak”
Një minutë pas kësaj, në orën 09:31, Brunilda Buli i dërgon Berberit një fotografi ku dukeshin katër shënime.
Këto biseda janë pjesë e dosjes hetimore të SPAK-ut ndaj ish-kreut të ARRSH-së Evis Berberi dhe disa bashkëpunëtorëve të tij, të akuzuar për korrupsion pasiv, shpërdorim detyre dhe pastrim parash në lidhje me kontratat miliona euro të tenderave rrugorë.
